काठमाडौ । आफूलाई बादशाह ठान्ने दुई युवाको कथा समेटिएको फिल्म ‘बादशाह जुट’को ट्रेलर सार्वजनिक भएको छ । आगामी कात्तिक १५ गतेबाट प्रदर्शनमा आउने फिल्मले अभिनेताद्वय सुशील श्रेष्ठ र आमिर गौतमको कथालाई दर्शकमाझ देखाउनेछ ।
फिल्ममा अभिनेता सुशील पत्रकारको पेशामा र आमिर प्रहरीको भूमिकामा छन् । आमिर फिल्ममा काम भन्दा गफ नै बढी दिने प्रहरी हुन् कि भन्ने भान ट्रेलर हेर्दा थाहा हुन्छ । तर फिल्ममा उनको कामको शैली हेर्न भने फिल्मको प्रतिक्षा नै गर्नुपर्ने हुन्छ ।
जोनी सिंह राणा निर्देशित फिल्ममा रविन तामाङ, रोशी खड्का, रश्मी पाण्डे, सुधा रावत, कमलमणी नेपाललगायतका कलाकारहरुको पनि अभिनय छ । फिल्ममा अभिनेत्री प्रियंका कार्की विशेष भूमिकामा छिन् । हर्क बहादुर कुँवर (पिटर) र भोजराज श्रेष्ठ (मिकी) ले निर्माण गरेको फिल्ममा राजकुमार उप्रेतीको द्वन्द्व, कृष्ण भारद्धाज, कोशिस क्षेत्री र मोहित मुनालको संगीत, दिर्घ खड्काको सम्पादन रहेको छ ।
