मुम्बई(एजेन्सी) । बलिउडमा शुक्रबार बिहानै अभिनेता सलमान खान धर्मा प्रोडक्सन अन्तर्गतको फिल्म ‘ब्रह्मास्त्र’मा एक खास केमियो गर्दैछन् भन्ने समाचारले चर्चा पायो । यो समाचार सार्वजनिक भएसँगै शाहरुख, रणवीर कपुर र आलिया भट्टका फ्यानबीच खुशियाली नै छायो । यही मौकामा बलिउडमा अर्को नयाँ खुशीको खबर आएको छ ।
इन्टरटेनमेन्ट पोर्टल कोइमोइको ताजा रिपोर्ट अनुसार आमिर खानको आउँदो फिल्म ‘लाल सिंह चढ्ढा’मा शाहरुख खानले पनि अभिनय गर्दैछन् । फिल्ममा शाहरुखले एक एक्सटेन्डिङ केमियो गर्दैछन् ।
आमिरले फिल्ममा शाहरुखका लागि एक विशेष किसिमको भूमिका लेखेका छन् । फिल्मका लागि आमिरले अर्को विशेष चरित्र पनि लेखेका छन् । जुन चरित्रमा अभिनेता सलमान खानसँग कुराकानी भइरहेको छ । आमिर आफ्नो फिल्ममा तीनवटै खान रहुन् भन्ने चाहन्छन् । फिल्मका लागि शाहरुखले स्वीकृति दिए पनि सलमान भने प्रस्तावमाथि विचार गरिरहेका छन् ।
फिल्ममा आमिरसँग करिना कपुर खान पनि देखिँदैछिन् । फिल्म ‘तलाश’ र ‘३ इडियट्स’मा करिना र आमिरको यो तेस्रो फिल्म हुनेछ । फिल्ममा अलग अलग दशकको मानिस देखाइने भएकाले आमिर र करिना विभिन्न लुक्समा देखिनेछन् । फिल्मकै लागि आमिरले २० किलो वजन घटाउदैछन् । फिल्मको निर्देशन अद्वैत चन्दनले गर्नेछन् । उनले यसअघि आमिरसँग ‘सीक्रेट सुपरस्टार’ बनाएका थिए ।
