काठमाडौं । आगामी मंसिर २० गते रिलिज हुने फिल्म ‘माछा माछा’ को पहिलो गीत ‘म्याडम म्याडम’ सार्वजनिक भएको छ । गीतमा सौगात मल्ल, सृष्टि श्रेष्ठ, विजय बराल र अनोज पाण्डे फिचर्ड छन् । गीतका गायक र संगीतकार अनुपम शर्मा हुन् ।
फिल्ममा माओत्से गुरुङ, नम्रता श्रेष्ठ, सरिता गिरी, भोलाराज सापकोटा, कमलमणी नेपाललगायतका कलाकारहरुको पनि अभिनय छ । फिल्मका लेखक तथा निर्देशक सुनिल गुरुङ हुन् । फिल्मले तीन बेरोजगार युवाले पैसा कमाउन गर्ने दौडधुपलाई प्रस्तुत गर्नेछ ।
रामबाबु गुरुङ र दयाहाङ राईले निर्माण गरेको फिल्ममा शिवराम श्रेष्ठको छायांकन छ । सिनेमा आर्ट र नौमती इन्टरटेनमेन्टको व्यानरमा निर्मित फिल्ममा ओमचन्द्र रौनियार र अर्जुन कार्कीको सहनिर्माण छ । फिल्ममा अनुपम शर्माको संगीत, निमेष श्रेष्ठको सम्पादन र प्रविन सिंहको कोरियोग्राफी छ ।
