काठमाडौं । सारङ्गीवादक, स्रष्टा तथा गायक हेमन्त कान्छा रसाईलीको ‘आकाशै ज्यानको’बोलको नयाँ गीत सार्वजनिक भएको छ । सांगीतिक बजारमा लोप हुँदै गएको मौलिक सृजनाहरुलाई जोगाउनु पर्छ भन्ने सोचका साथ अगाडि बढेका हेमन्त कान्छाले मौलिक नेपालीपन बोकेका केही फरक सृजनाहरु लिएर दर्शक स्रोतामाझ प्रस्तुत हुने गर्दछन् ।
युवा गीतकार डी.पी. खनालको मौलिक शब्द संयोजन र हेमन्त कान्छा रसाइलीको स्वर तथा संगीत र सन्जिब बराईलीको संगीत संयोजनमा तयार भएको यस गीतलाई गायकले आफ्नै अफिसियल युट्युब च्यानलबाट सार्बजनिक गरेका हुन् ।
अनिल के मानन्धरको निर्देशनमा तयार भिडियोमा देवेन्द्र बब्लु, सोनाम मगर, विशाल घिमिरे र हेमन्त कान्छा फिचर्ड छन् । भिडियोमा मनोज कार्कीको सम्पादन छ ।
