काठमाडौं । तीन सय मिलियन डलरको कथा वरपर घुमेको फिल्म ‘लप्पन छप्पन २’को टिजर सार्वजनिक भएको छ । मुकुन्द भट्ट निर्देशित फिल्म आगामी वैशाख १२ गते रिलिज हुँदैछ ।
टिजरमा अभिनेता अनुपविक्रम शाहीले तीन सय मिलियन डलरको कुरा गरेका छन् । टिजर हेर्दा त्यहाँ राखिएका दृश्यलाई पनि यही विषय वरपर घुमाइएको छ । टिजरमा एक्सनलाई प्राथमिकता दिइएको छ । फिल्ममा शिव श्रेष्ठ, सौगात मल्ल, अर्पण थापा, अनुपविक्रम शाही, गोविन्द शाही, प्रकाश कुँवर, दीपक क्षेत्री, नविन मानन्धर, विशाल पहारी, किशोर भट्ट, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतका कलाकारको अभिनय छ ।
खिलेन्द्रराज तिमसिना प्रस्तुतकर्ता रहेको फिल्ममा शक्ति श्रेष्ठ, केरोलिन कोलिन्डा, सुपर गुरुङ, आना ढकाल, सिर्जना सिना, रन्जीत ओन्तालगायतको डेब्यू अभिनय छ । फिल्ममा निर्देशक भट्ट, सुनिल नेउरे र अमिता शर्माको पटकथा तथा संवाद, पुरुषोत्तम प्रधानको छायांकन, शम्भुजित बाँस्कोटा, राजेन्द्र भट्ट(एमआर आरजे), दीपक आरजे र बुलेट फ्लोको संगीत, किङ योगी र दिलिप ओकेधाको कोरियोग्राफी, हिमाल केसी र निर्देशक भट्टको एक्सन छ ।
गोल्डेन हिल्स पिक्चर्ससँग इपी एजुकेशन अस्ट्रेलिया, युएमआइ ग्रुप युरोप र एमएसी मिडियाले सहकार्य गरी निर्माण गरेको फिल्ममा सुरज अधिकारी र प्रजापति सिवाकोटीको कार्यकारी निर्माण, चिजकुमार श्रेष्ठ, प्रकाश कुँवर, निर्मलकुमार मिश्र, सुदिपचन्द्र भक्रेल र सन्तोषचन्द्र भक्रेल निर्माता छन् । फिल्मका सह–निर्मातामा रानु तिमिला, ताराचन्द शर्मा र सुरज केसी छन् ।
