काठमाडौं । नेपाली फिल्म ‘ताकतवर’को ट्रेलर सार्वजनिक भएको छ । जि.आर प्रोडक्सन र आर्ट मुभिजको संयुक्त प्रस्तुतीमा तयार फिल्मको ट्रेलरमा प्रेम र एक्सनको भाव प्रस्तुत गरिएको छ ।
गजेन्द्र रन्जितको निर्देशन तथा आरती शाही र निर्देशक स्वयंको निमार्णमा तयार फिल्ममा नारायण कृष्ण महर्जन, सुनिल विष्ट (गौले), वद्रि फुयाँल सहनिर्माता छन् ।फिल्ममा सविन श्रेष्ठ, धु्रव कोइराला, महिमा सिलवाल, शेखर सुवेदी, रिजा भुषाल, रामकेशर बोगटीलगायतको अभिनय रहेको छ ।
रामेश्वर हुमागाईंको छायांकन तथा चन्द्र पन्तको द्वन्द्व निर्देशनमा तयार फिल्ममा रामजी लामिछानेको कोरियोग्राफी छ । चैतको दोस्रो साता रिलिज हुने फिल्ममा सुनिल प्रकाश श्रेष्ठको लेखन र मित्रडी गुरूङको सम्पादन छ ।
