काठमाडौं । फिल्म ‘चपली हाइट ३’को पहिलो गीत ‘चारानाको मसला’ सार्वजनिक भएको छ । अर्जुन कुमारले निर्माण फिल्मको गीतमा कलाकार स्वस्तिमा खड्का, सुपुष्पा भट्ट, आमिर गौतम, महेश त्रिपाठी र कोरियोग्राफर प्रदीप लामा फिचर्ड छन् ।
सुभाष भुषालको संगीत रहेको गीतमा राज खम्बु र अस्मिता अधिकारीको स्वर, डिपी खनालको शब्द र प्रदीप लामा तथा द नेक्स्ट टिमको कोरियोग्राफी छ । निकेश खड्काले निर्देशन गरेको फिल्ममा अर्पण थापा, प्रतिकमान श्रेष्ठ, दीपाश्री निरौला, लक्ष्मी वर्देवा, लोकेन्द्र लेखकलगायातका कलाकारको अभिनय छ ।
आकाश बरालको लेखन र संवाद रहेको फिल्ममा सुभाष भुषाल र अर्जुन कुमारको संगीत, अष्ट महर्जनको एक्सन, पुरुषोत्तम प्रधानको छायांकन र दिर्घ खड्काको सम्पादन छ । फिल्म चैत २८ मा रिलिज हुनेछ ।
