काठमाडौं । आगामी चैत २८ गते रिलिज हुने प्रदीप खड्का र क्रिस्टिना गुरुङ अभिनीत फिल्म ‘प्रेमगीत ३’को टिजर सार्वजनिक गरिएको छ । सार्वजनिक टिजरमा फिल्मका प्रमुख कलाकारबीचको द्वन्द्वलाई देखाइएको छ । तर के कारणले उनीहरुबीच द्वन्द्व बढ्छ भन्ने थाहा पाउन दर्शकले फिल्म नै हेर्नुपर्ने हुन्छ ।
टिजरमा अभिनेता शिव श्रेष्ठलाई एक राजाको भूमिकामा देखाइएको छ । २ सय वर्ष अगाडीको प्रतिबन्धित प्रेमकथामा निर्माण भएको फिल्ममा छेतेन गुरुङ र सन्तोष सेनको संयुक्त निर्देशन छ ।
फिल्ममा सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, अनुभव रेग्मी, योगिषा खत्री, जीवन भट्टराई, लक्ष्मी वर्देवालगायतका कलाकारको पनि अभिनय छ ।
निर्देशक गुरुङ र मन्दीप गौतमले लेखेका फिल्ममा कल्याण सिंह र एलिश कार्कीको संगीत, राजेश श्रेष्ठको छायांकन, हिमाल केसीको छायांकन र बनिश शाह र भुपेन्द्र अधिकारीको सम्पादन छ । आसुसेन फिल्मस्को व्यानरमा निर्मित फिल्मका निर्माता सन्तोष सेन हुन् ।
