काठमाडौं । आगामी वर्षको वैशाख २६ गतेलाई रिलिज मिति तोक्दै रेखा थापा र सविन श्रेष्ठ अभिनित फिल्म ‘हिरो रिटर्न्स’को ट्रेलर सार्वजनिक भएको छ । ट्रेलरमा भरपुर एक्सन राखिएको छ । आशिष भेटवालको निर्देशन रहेको फिल्ममा दिल श्रेष्ठको पनि अभिनय छ ।
फिल्ममा दीपक शर्मा र टंक बुढाथोकीको संगीत, चन्द पन्तको एक्सन, शिवम अधिकारीको कथा र पटकथा र संवाद, मदन कस्यप घिमिरेको छायांकन र मित्र डि गुरुङको सम्पादन छ ।
धुर्वतारा फिल्मस र सोम ओम शिव फिल्मसको प्रस्तुति रहेको फिल्ममा भीम न्यौपाने र धुर्व न्यौपानेको लगानी छ । चन्दन गौतम फिल्मका कार्यकारी निर्माता हुन ।
