काठमाडौं । अभिनेता खगेन्द्र लामिछानेको डेब्यू निर्देशन रहेको फिल्म ‘पानीफोटो’ आगामी वर्षको साउन ३० गते रिलिज हुने भएको छ । टुकी आर्ट्स प्रालि र मञ्जुश्री फिल्म प्रोडक्सनको व्यानरमा निर्माण भएको फिल्मले पन्ध्र वर्ष अगाडी बेपत्ता छोराको पर्खाइमा बसेका आमाबुबाको कथा देखाउनेछ ।
फिल्ममा अनुप बराल, मेनुका प्रधान, मलिका महत, खगेन्द्र लामिछाने, प्रकाश घिमिरे, माओत्से गुरुङ, बुद्धि गुरुङ, अजस्र ढुङ्गाना, कमलमणी नेपाल, राधा श्रेष्ठ, श्याम कुमार खड्का, कमल देवकोटा, अनोज पाण्डेलगायतका कलाकारको अभिनय छ ।
दीपक बज्राचार्यको छायांकन रहेको फिल्ममा निमेष श्रेष्ठको सम्पादन, रोजिना सिटौला र रविन्द्र बज्राचार्यको लगानी छ ।
