काठमाडौं । गीतकार शोभा केसीको राष्ट्रिय गीत ‘नेपाललाई माया गरौं’ सार्वजनिक भएको छ । शनिबार राजधानीमा एक कार्यक्रमकाबीच केसीको गीत सार्वजनिक गरिएको हो । साहित्यकार भद्रा घले, गीतकार संघका अध्यक्ष चुण्डामणी देवकोटा, अन्तर्राष्ट्रिय नेपाली साहित्य समाजका अध्यक्ष राधेश्याम लेकाली, नेपाल चलचित्र कलाकार संघका अध्यक्ष रवीन्द्र खडका, निर्देशक तथा कलाकार लय संग्रौला, मिलापका सम्पादक कृष्ण भुसाललगायतले गीत सार्वजनिक गरेका थिए ।
आनन्द कार्की र विमला राईको स्वर रहेको गीतको भिडियोमा मन्जिल श्रेष्ठको निर्देशन छ । स्रमाट थापाको संगीत रहेको गीतमा श्याम रायमाझी र जयराम थापाको छायांकन रहेको छ । गीतको भिडियोलाई विदेशका विभिन्न भाग र नेपालमा छायाँकन गरिएको छ ।
कार्यक्रममा स्रष्टा शोभा केसी, साहित्यकार राधेश्याम लेकाली र गायक सीताराम पोखरेललाई मिलाप कभर हस्तान्तरण गरिएको थियो ।
