काठमाडौं । गीतकार गोविन्दप्रसाद उपाध्यायको शब्द रहेको ‘को हो त्यो’ बोलको गीतको भिडियो सार्वजनिक भएको छ । गायिका रानी शाक्यको स्वर रहेको रोमान्टिक फ्लेवरको यस गीतमा एकयुवतीले आफुलाई मनपर्ने मान्छेले सपनामा आएर आफुलाई सताएको र आफ्नो निद्राचोरी लगेको वर्णन गरिएको छ ।
भिडियोमा नायिका मोडल अलिशा शर्मा फिचर्ड छिन् । गायिका शाक्य अमेरिकामा रहेर नेपाली गीतसंगीतमा क्रियाशिल छिन् । विक्रम थापाले संगीतबद्ध गरेको गीतमा विशन मानन्धरले संगीत संयोजन गरेका छन् ।
सुबल थापाले कोरियोग्राफी गरेको भिडियोमा एलिशा शर्मा र कमल सिंहको अभिनय रहेको छ । नवराज उप्रेतीले छायांकन गरेको भिडियोमा नविन निरौलाको सम्पादन र जीवन शाहीको निर्देशन छ । गीतकार उपाध्यायको हालसम्म तीनसय भन्दा बढी गीत बजारमा आएका छन् । उनका ‘सत्यता’, ‘सत्यता–२’ एल्बम बजारमा आइसकेको छ भने यतिबेला ‘सत्यता–३’ बजारमा ल्याउने तयारीमा छन् ।
