काठमाडौं । मौलिक सिर्जनामा आधारित गीत संगीतहरु बजारमा आइरहेको बेला गल्कोट म्युजिकले गायक रामु विरही र गायिका धर्तिमा थापा मगरको स्वरमा रहेको गीत ‘भोटे लसुन’ को भिडियो सार्वजनिक गरेको छ । गीतमा गायकले मायालुको यादमा भौतारिएको कथा प्रस्तुत गरेको छ ।
गाउँमा हुने प्रेमीप्रेमिकाबिचको मायाको सम्बन्धलाई व्यक्त गर्न गरिएको आग्रह गीतका शब्दमा छन् । रामजित मल्लको शब्द तथा रामु विरहीको लय सिर्जना गीतमा छ ।
भिडियोमा दिक्पाल काकी, दुर्गा केसी र सबिता कार्कीको अभिनय रहेको छ । जनक अधिकारीको छायांकन र अविनास डिसीको सम्पादन रहेको भिडियोमा रामु विरहीको निर्देशन छ ।
