काठमाडौं । नेपाली तथा भोजपुरी फिल्मका स्टार विराज भट्ट र भोजपुरी फिल्मकी स्टार पुनम दुबे फिचर्ड गीत ‘हमरा दिलवा में डाल के पलानी’ लकडाउनको समयमा निकै हिट भइरहेको छ । यो जोडी अभिनित कुनै फिल्म या गीत आउनासाथ आम दर्शकको रोजाईमा पर्दछ ।
यो गीतमा पुनम र विराजको क्यामेस्ट्रीलाई दर्शकले खुबै रुचाएका छन् । विराज र पुनमको यो गीतलाई युट्यबुमा ८० लाख बढी पटक हेरिएको छ । गीतमा पुनमलाई निकै हट अवतारमा देखाइएको छ ।
यो गीतमा मोहन राठौर र इन्दु सोनालीको स्वर छ । गीतमा अरविन्द तिवारीको शब्द छ । यो गीत भोजपुरी सुपरहिट फिल्म ‘जानम’मा समावेश छ । फिल्ममा विराज भट्ट, खेसारी लाल यादव, पूनम दुबे रानी चटर्जीको अभिनय छ । फिल्मका निर्देशक अजयकुमार झा हुन् ।
