काठमाडौं । विश्वव्यापी महामारीका रुपमा रहेको कोरोना भाइरसको चपेटाबाट नेपाल पनि अछुतो छैन । कोरोनाको महामारीमा नेपाल परिरहँदा छिमेकी मुलुक भारतले नेपाली भूमिमा गरेको सीमा अतिक्रमण पनि उत्तिकै पीडादायक छ । यी दुवै समस्या नेपालले भोगिरहँदा कलाकार तहबाट राष्ट्रिय भावका गीतहरु बजारमा आउने क्रम चलिरहेका छन् ।
यही क्रममा राष्ट्रिय भावको गीत ‘जित्छौं हामी’ सार्वजनिक भएको छ । गीतमा विनोद बानियाँको स्वर तथा संगीत र सन्जोक बस्यालको शब्द छ । संजोक र विजय बस्यालले निर्देशन गरेको गीतको भिडियोमा पूर्व प्रधानमन्त्री डा. बाबुराम भट्टराई, राष्ट्रिय सभा सांसद कोमल ओली, मुख्यमन्त्री पृथ्वी सुब्बा गुरुङ, खेलाडीहरु अनिल गुरुङ, सिपोरा गुरुङ, साबित्री भण्डारी, कलाकारहरु अनुप बराल, दिया मास्के, राजबल्लभ कोइराला, माओत्से गुरुङ, प्रकाश घिमिरे, निराजन प्रधान, मिलन शंकर, शाहिल खान, कवि तिर्थ श्रेष्ठ, साहित्यकार सरस्वती प्रतिक्षा लगायतको अभिनय रहेको छ ।
देवीप्रसाद बस्याल र शान्ति बानियाँ निर्माता रहेको भिडियोमा मिलन शंकरको डीओपी, सबिन गायक, विनोद पोखरेल, विवेक बस्याल र कमल प्रसाईंको छायांकन, साहिल खान र विज्ञान राईको सम्पादन छ ।
