मुम्बई(एजेन्सी) । दिवंगत बलिउड अभिनेता इरफान खानकको अन्तिम फिल्म ‘अंग्रेजी मिडियम’की अभिनेत्री तिल्लोत्तमा शोमलाई सामाजिक सन्जालमा उनका एक फ्यानले अनौठो किसिमको विवाह प्रस्ताव राखेका छन् । जुन प्रस्तावलाई पढ्दा जोकोही पनि हास्छन् ।
अभिनेत्री तिल्लोत्तमाले आफ्नो इन्स्टाग्राम एकाउण्टमा फ्यानको सन्देशको स्क्रिटसट राखेकी छन् । जसमा ‘म तिमीलाई प्रेम गर्छु । के तिमी मलाई जिन्दगीभरका लागि विवाह गर्छौ ? म भर्जिन र शाकाहारी केटा हुँ । जो आरएनए १६ सिक्वेन्स मेल वर्जिनिटी टेस्ट, लाई डिटेक्टर नार्को टेस्ट, ब्रेन मेपिङ टेस्टका लागि जहिल्यै तयार छ’ भन्दै लेखिएको छ ।
शोमले इन्स्टामा त्यो सन्देश राख्दै क्याप्सन पनि लेखेकी छन् । ‘यो कस्तो शाकाहारी मजाक हो भाई । नो थ्यांक्स, बाइ बाइ, टाटा अलविदा’ लेखेकी छन् । उनको पोस्टमा प्रयोगकर्ताले धेरै प्रतिक्रिया दिएका छन् । फिल्म ‘अंग्रेजी मिडियम’मा शोमले एजुकेसन कन्सल्टेन्टको छोटो भूमिकामा अभिनय गरेकी थिइन् । यसअघि उनले इरफानसँग फिल्म ‘हिन्दी मिडियम’ र ‘किस्सा’मा काम गरेकी थिइन् ।
