काठमाडौं । नेपाली नारीहरुको महान पर्व हरितालिका तीजको अवसरमा गायक राजु परियार र गायिका पूर्णिमा मगरको स्वरमा रहेको ‘कोरोनाले रुवायो’को भिडियो सार्वजनिक भएको छ ।
विश्वमा फैलिएको कोरोनाको प्रकोपबाट परेको चपेटालाई गीतमा समेटिएको छ । घरमा नै आपसमा रमाइला खुशीका खबरहरु साटासाट गर्दै आपसमा कुराकानी गरेर तीज मनाउनको लागि आग्रह गरिएको छ । गीतमा राधिका पुन हमालको शब्द तथा लय सिर्जना रहेको छ ।
भिडियोमा खवपु, प्रिया मगर, सिता मगर र मिरा फिचर्ड छन् । महेश पुनको छायांकन रहेको भिडियोमा सम्पादन तथा निर्देशन र कोरियोग्राफी खबपु मगरको छ ।
