काठमाडौं । हिन्दु नारीहरुको महान चाड हरितालिका तीज नजिकिदै गर्दा तीज गीत सार्वजनिक हुने क्रम जारी छ । यसै क्रममा निशान भट्टराई र शान्ता खत्रीको स्वरमा रहेको तीज गीत ‘यसपालीको तीज’को भिडियो सार्वजनिक भएको छ । डिपी खनालको शब्द रहेको गीतमा रिमेश कुमारको संगीत छ ।
गीतमा शाहज शाक्यको संगीत संयोजन रहेको गीतको भिडियोमा दुर्गेश थापा र सुष्मा कार्की फिचर्ड छन् । भिडियोमा अशोक विकको निर्देशन रहेको भिडियोमा वीरेन्द्र भट्टको छायांकन, रविन विकको सम्पादन र विकास ज्ञवालीको कलर करेक्सन छ । भिडियोमा गोर्खा चौतारी म्युजिकको यु ट्युब च्यानलमार्फत सार्वजनिक गरिएको हो ।
