काठमाडौं । तीन वर्ष पछि अभिनेता तथा मोडल पल शाह र अभिनेत्री तथा मोडल स्वस्तिमा खड्का एकसाथ म्यूजिक भिडियोमा देखिएका छन् । गायक राजनराज शिवाकोटी र गायिका स्मिता दाहालको स्वरमा रहेको गीत ‘मायालु तिमी कता छौ–२ (सिरिरी सिरिरी)मा यो जोडी सँगै देखिएका हुन् । गज्जब टिभी युट्युब च्यानलमार्फत सार्वजनिक भिडियोको गीतमा दिनेश थपलियाको शब्द तथा राजनराजकै संगीत छ ।
गीतमा साहस शाक्यको एरेन्ज, श्यामश्वेत रसाइलीको मिक्सिङ छ । सरोज ओलीको निर्देशन रहेको भिडियोमा बाल कलाकारद्वय एन्जल राई र अर्विन खड्का पनि फिचर्ड छन् ।
भिडियोमा नवराज उप्रेतीको छायांकन, अर्जुन जिसीको सम्पादन, श्याम कार्कीको कलर तथा विक्रम स्वाँरको कोरियोग्राफी र कथा छ ।
