काठमाडौं । गायक भुवन प्यासीको स्वर रहेको पहिलो तीज ‘लेहेंगा हरर’को भिडियो सार्वजनिक भएको छ । लोक र पप शैलीको गीतमा गायक भुवनकै शब्द र संगीत तथा राजेन्द्र बजगाईको एरेन्ज छ ।
चितवनमा बसेर गीत संगीतमा सक्रिय भुवनको गीतको भिडियोमा आकृति लामिछाने, करुण विसी, सन्जु पाठक, देव एलोन, राज सुनार र कन्चन सुनार फिचर्ड छन् । सशान कँडेलले निर्देशन गरेको भिडियोमा सुरज खनालको छायांकन, विकास धमलाको सम्पादन र सिर्जन बरालको कोरियोग्राफी रहेको छ ।
गायक भुवन प्यासीले यस अघि ‘हे बरै’, ‘माईली’, ‘हल्का हल्का’, ‘ट्राफिक जाम’ जस्ता गीतहरु बजारमा ल्याइसकेका छन् ।
