काठमाडौं । गायक, संगीतकार तथा संगीत संयोजक विनय कार्कीको गीत ‘मायामा फसें कि म’ सार्वजनिक भएको छ । रियालिटी शो भ्वाइस अफ नेपाल सिजन–२ मा ‘भुमो’ गीतबाट चर्चामा आएका विनयले ‘मायामा’ बोलको गीत सार्वजनिक गरेका हुन् ।
गीतमा विनयलाई गायिका मेलिना राईले साथ दिएकी छन् । माया प्रेममा रहेर बनाइएको गीतमा सबिन लामाको शब्द र विनयकै संगीत छ । गीतमा शेलेन्द्र प्रधान बाबुको संगीत संयोजन छ ।
भिडियोमा गायक विनय र अलिशा शर्मा फिचर्ड छन् । आशिष रानाको कोरियोग्राफी र निर्देशन रहेको भिडियोमा पवन सुस्लिङको छायांकन र सम्पादन छ । सार्वजनिक गीतको टिकटक प्रतियोगीता पनि रहेको छ । टिकटकको नजिता भने भाद्र १४ गते सार्वजनिक गरिनेछ । भाद्र १५ गते गायक कार्कीको जन्मदिनको अवसरमा विजेतालाई उपहार र नगद रुपैयाँ ११ हजार एकसय ११ हस्तान्तरण गरिनेछ ।
