काठमाडौं । रमाइलो टेलिभिजनबाट हरेक आइतबार प्रसारण हुँदै आएको हास्य सिरियल ‘तितो पिरो’ले ५२ भाग पुरा गरेको छ । गत वर्षबाट सुरु भएको यस सिरियलले कोरोना महामारीकाबीच पनि पनि आफ्नो प्रसारणलाई निरन्तरता दिँदै ५२ भाग पुरा गरेको हो ।
सिरियलका निर्माता अनिश खतिवडाले ५३ भागबाट सिरियललाई समसामयिक हिसाबले दर्शक माझ पस्कने बताए । सिरियलमा रामचन्द्र अधिकारी, कुमार गजुरेल, डोल्मा, भोला अधिकारी, कसिस दाहाल, राजेन्द्र गिरी (गुन्द्रुके), धर्म भण्डारी, समिर राई, आइसा राई, दावा शेर्पा, श्रीदेव आचार्य, गंगा थापा, सीता रिजालसँगै बाल कलाकार कुशलमणी गजुरेल ,कृषा गजुरेलको अभिनय रहेको छ ।
सिरियललाई पत्रकार तथा कलाकार भोला अधिकारी र अनिश खतिवडाले निर्देशन गर्दै आएका छन् । निर्देशक अधिकारीले लकडाउन तथा कोरोना महामारीकाबीच सावधानीका साथ सिरियलको छायांकन गर्दै आएको बताए । सिरियलको स्क्रिप्ट धर्म भण्डारीले लेखेका हुन् छायांकन समिर राईको रहेको छ । सिरियलको सम्पादन अनिश कै रहेको छ ।
