मुम्बई(एजेन्सी) । बलिउड अभिनेत्री करीना कपूर पुनः गर्भवती भएकी छन् । यो खबरसँगै अभिनेता सैफ अली खान र करिनाको घरमा नयाँ सदस्यको आगमन हुने निश्चित भएको छ । सैफ र करिनाले आफूहरु आमाबाबु बन्न लागेको स्वीकारेका छन् ।
‘हामी यो कुरा बताइरहँदा निकै खुशी छौं कि हाम्रो परिवारमा अर्को एक सदस्य जोडिँदैछन् । तपाईंहरु सबैको प्रेम र समर्थनको लागि धन्यवाद’, दुवैद्वारा जारी विज्ञप्तीमा भनिएको छ । करिनाले गर्भधारण गरेको खबर सामाजिक सन्जालमा तिब्र रुपमा फैलिएको थियो । तर यो विषयमा करिनाले मुख खोलेकी थिइनन् ।
करिना र सैफले सन् २०१२ को अक्टोबर १६ मा विवाह गरेका थिए । विवाहको चार वर्ष पछि सन् २०१५ डिसेम्बरमा तैमूरको जन्म भएको थियो । तैमूरको सुन्दर तस्बिरहरु सामाजिक सन्जालमा भाइरल भइरहन्छन् । कामको कुरा गर्दा करिना गत वर्ष अक्षय कुमारका साथ फिल्म ‘गुड न्यूज’मा देखिएकी थिइन् । उनी अब चाँडै नै आमिर खानका साथ ‘लाल सिंह चड्डा’ र करण जोहारको फिल्म ‘तख्त’मा देखिँदैछिन् ।
