काठमाडौं । पूर्व मिस नेपाल तथा अभिनेत्री सृष्टि श्रेष्ठ म्युजिक भिडियोको मोडलिङमा आफूलाई व्यस्त बनाउन थालेकी छिन् । यही क्रममा उनले अभिनय गरेको ‘साँझ’ बोलको भिडियो बिहीबार सार्वजनिक भएको छ । भिडियोमा उनले निराजन प्रधानसँग अनस्क्रिन रोमान्स गरेकी छन् ।
गीतमा दिनेश शंकरको शब्द, संगीत र स्वर छ । विवेक रसाइलीले निर्देशन गरेको भिडियोमा सानो कुराको बुझाबुझ नहुँदा पर हुन लागेको जोडीलाई मायाले नै फर्काएको कथा पेश गरिएको छ ।
उज्वल जोशीको कलर, सम्पादन र छायांकन रहेको गीतलाई नोभिया शंकरले निर्माण गरेकी हुन् ।
