काठमाडौं । निर्देशक राजु अधिकारीले सर्ट फिल्म ‘तिमी नारी’ निर्माण गरेका छन् । १६ मिनेटको फिल्ममा नारीले पाउने धोका, शोषण, दमन र विद्रोहको कथा प्रस्तुत गरिएको छ ।
झण्डै एक दशकअघि एचआइभी पीडित नारीको संघर्ष र साहसको बिषयमा ‘द निर्मला’ निर्माण गरेका अधिकारीले त्यसपछि ‘दिलमा सजाए तिमीलाई’, ‘लेकसाइड’, ‘सुब्बा साहेब’, ‘उल्झन’, ‘मेरो आफ्नो’, ‘माया बस्छ की के हो’ लगायतका ब्याबसायिक फिल्म निर्माण गरेका छन् । ‘तिमी नारी’ को कथा आरती अधिकारीले लेखेकी हुन् ।
आशुतोष फिल्मस् प्रोड्क्सनको ब्यानरमा गिरीश भण्डारी निर्माता र बसन्त शर्माको प्रस्तुति रहेको फिल्ममा केडी प्रसित, रुक्सना खातुन, किरण गौतम, अजिता परियार, कमला भण्डारी, विना मोक्तान र सुरज पोखरेलले अभिनय गरेका छन् । फिल्म सि टिभी नेपाल नामक युट्युव च्यानलबाट सार्वजनिक गरिएको हो ।
