काठमाडौं । अभिनेत्री नीता ढुंगानाको डेब्यू गायन रहेको गणेश भजन ‘श्री सिद्धीविनायक भजन र आरती’को भिडियो सार्वजनिक भएको छ । भजनमा भोला पौडेलको मिक्सिङ र मास्टरिङ र दिनेश न्यौपानेको संगीत तथा संयोजन छ ।
रामजी लामिछानेको कोरियोग्राफी तथा निर्देशन रहेको भिडियोमा नीता ढुंगाना, सुनील सिटौला, अंशु पोखरेल, अक्षता पोखरेल, अनुष्का पोखरेल, दिव्य सेन्चुरी, विशेषता बुढाथोकी, अनिता बजगाई, भवानी बजगाई, कल्पना बमजन, शान्ता मगर र सरस्वती कोइराला फिचर्ड छन् ।
भिडियोमा सन्जय लामाको छायांकन, बनिष शाहको सम्पादन, आशीष जामा दीको कला छ । भिडियो महाराजगन्जस्थित अरिकल इभेन्टमा खिचिएको हो । भिडियो नीता फिल्मस्को व्यानरमा बनाइएको हो ।
