काठमाडौं । एड्भेन्चर स्टार गौतम खाती र अभिनेत्री प्रियंका कार्की अभिनित म्युजिक भिडियो ‘कोरेको छु तिम्रो तस्वीर’ सार्वजनिक भएको छ । भिडियोमा नव दुलहादुलही वैवाहिक सम्बन्ध, प्रेम सम्बन्ध कसरी सुमधुर बन्दै जान्छ भन्ने विषयलाई देखाउन खोजिएको छ ।
गीतमा प्रताप दास र अनु चौधरीको स्वर, निरा खातीको शब्द तथा डीबी लामाको संगीत र साहस शाक्यको एरेन्ज छ । साइब्रत आचार्यको सहायक निर्देशन रहेकोे म्युजिक भिडियोको निर्देशन निर्देशक सुब्रतराज आचार्यले गरेका हुन ।
काठमाडौको बुढानिलकण्ठ क्षेत्रमा छायांकन गरिएको भिडियोमा उत्सव दाहालको छांयाकन, विष्णु खड्काको सम्पादन, सुगम भुजेलको कोरियोग्राफी र दीपेन गौतमको प्रोडक्सन छ । भिडियोलाई ओ एस् आर डिजिटलको युटुब च्यानल मार्फत रिलिज गरिएको हो ।
