काठमाडौं । कोरोनाले निम्त्याएको मानसिक समस्यालाई गायक विनित श्रेष्ठले ‘केही बोल न’ बोलको गीतमा उतारेका छन् । बिहीवार यूट्युबमा सार्वजनिक भएको गीतमा गायक श्रेष्ठकै शब्द तथा संगीत छ । भिडियोमा कृष्टि पौडेल फिचर्ड छिन् ।
बाबु श्रेष्ठको छायांकन रहेको भिडियोमा जीवन थापाको सम्पादन, दीपेन्द्र ठकुरीको कोरियोग्राफी र अभि श्रेष्ठको निर्देशन छ । गायक श्रेष्ठले कोरोना महामारी पछिको लकडाउनको समयमा धेरैले भोग्दै आएको समस्यालाई गीतमार्फत् भन्न खोजिएको बताए ।
मानसिक समस्यामा रहेकालाई गीतले सकारात्मक सन्देश प्रवाह गर्ने गायक श्रेष्ठको विश्वास छ ।
