काठमाडौं । गायक नारायण धिताल र गायिका मेलिना राईको स्वरमा रहेको नयाँ गीत ‘झन् झन् माया बढ्यो’ को भिडियो सार्वजनिक भएको छ । संगीतकार तथा प्राज्ञ सुनिल मास्केको शब्द तथा संगीत रहेको गीतमा सचिन सिंको संगीत संयोजन रहेको छ ।
लामो समय देखि बेल्जियममा बस्दै आएका गायक तथा समाजसेवी धिताल डेढ दशक देखि नेपाली गीत संगीत क्षेत्रमा सक्रिय छन् । धितालले तिन वटा सोलो एल्बम सार्वजनिक गरि सकेका छन् ।
सार्वजनिक भिडियोमा संचारकर्मी, गीतकार तथा मोडल नरेश भट्टराई र एलिजा गौतमको अभिनय रहेको छ । एलिजाले छोटो समयमा नै एक दर्जन भन्दा धेरै भिडियोमा अभिनय गरि सकेकी छन्। उनले पछिल्लो समय चलेका प्राय सबै मोडलहरुसँग भिडियोमा स्क्रीन शेयर गरिसकेकी छन् ।
भिडियोमा युवराज वाइवाको निर्देशन छ । निसाल पौडेलले छायांकन गरेको भिडियोमा विकास दाहालको सम्पादन छ । भिडियो गायकको आफ्नै च्यानल युट्युब च्यानल खुसीको पलमार्फत सार्वजनिक गरिएको छ ।
