काठमाडौं । गायिका निशा कँडेलको गीत ‘तस्विर’को भाग २ ‘तस्बिर २ – ओ ! प्रिया’को म्युजिक भिडियो सार्वजनिक भएको छ ।
गीतकार विष्णुबाबु देवकोटाको शब्द रहेको गीतमा टीका दाहालको संगीत छ । गीतमा स्वर गायिका निशा कँडेल र गायक अमन प्रधानको रहेको छ । गायक प्रधानकै बुबा राहुल प्रधानले यस गीतलाई संगीत संयोजन गरेका हुन्।
भिडियोमा आकाश श्रेष्ठ र पुजा शर्मा फिचर्ड छन् । तस्विरमा प्रेम सम्बन्धमा रहेका यो जोडीलाई तस्विर २ मा विवाह बन्धनमा बाधिएको देख्न सकिन्छ । बुद्ध थापाको छायांकन रहेको भिडियोमा विकाश धमलाको सम्पादन र निकेश खड्काको निर्देशन छ ।
लिजेन्स इन्टरनेशनलको एजुकेशनको प्रस्तुति रहेको यस भिडियोलाई गायिका कंडेलको आधिकारिक च्यानल ‘निशा कँडेल’मार्फत सार्वजनिक गरिएको छ ।
