मुम्बई(एजेन्सी) । अभिनेता सलमान खानलाई बलिउडको सबैभन्दा शक्तिशाली स्टार मानिन्छ । सलमान जसलाई मनपराउदैनन्, उनको करियर बर्बाद बनाउछन् भन्ने भनाई बलिउडमा लोकप्रिय छ । केही घटना हेर्दा यो भनाई सत्य साबित पनि हुन्छ ।
सन् २००६ मा फिल्म ‘बाबुल’को सेटमा अभिनेता जोन अब्राहम र सलमानबीच विवाद भएको थियो । यो विवादपछि कैयौं फिल्ममा जोनलाई हटाउनुमा सलमान प्रमुख कारक रहेको बताइएको छ ।
जब मिडियामा अभिनेत्री ऐश्वर्या राय बच्चनले सलमानका विरुद्ध आवाज उठाएकी थिइन् । त्यसपछि कैयौं फिल्मको सेटमा पुगेर सलमानले उनीसँग नराम्रो व्यवहार गर्न थाले । यो घटनापछि धेरै निर्माता तथा निर्देशकले ऐश्वर्या रायसँग काम गर्न आनाकानी गरे ।
गायक अरिजीत सिंह र सलमानको झगडा कोहीमाझ लुकेको छैन । अरिजीतले सलमानले आफ्नो फिल्मबाट उनको गीत निकालिदिएको बताएका थिए । यो भनाईपछि सलमानले कैयौं फिल्ममा अरिजीतलाई गीत गाउन दिएनन् । सलमानलाई छोडेर जब कटरीना कैफल रणवीर कपूरको हात समाउन पुगिन्, त्यसपछि उनको करियर पनि मन्द हुँदै गयो । यसको कारण पनि सलमानलाई नै मानिन्छ ।
कटरीनाका कारण नै रणवीर कपूर सलमानलाई राम्रो नजरले हेर्दैनन् । कैयौं मिडियाले रणवीरको बाटोमा अवरोध पुर्याउने काम सलमानले नै गरेको बताउदै आएका छन् । अभिनेत्री जिया खानको निधन पछि उनकी आमाले मिडियामा सलमान खानकै कारण सूरज पञ्चोली छोरीको निधन मुद्धामा बचेको बताएकी थिइन् । उनले जियाको करियर बर्बाद पार्नमा सलमानको पनि हात रहेको बताएकी थिइन् ।
अभिनेता सुशान्त सिंह राजपुतलाई मेन्टल हेरेस गर्ने काम सलमानले गर्दै आएको आरोप लागेको थियो । सुशान्तको निधन पछि उनलाई बहिस्कार गर्नेसम्म फ्यानले तयारी गरेका थिए । गायक सोनू निगमले पनि एक भिडियो सार्वजनिक गर्दै आफ्नो करियरमा सलमानले लात मार्ने प्रयास गरेको बताएका थिए ।
अभिनेता अर्जुन कपूर पनि सलमानको निशानामा परेका छन् । अर्जुनले मलाइका अरोडासँग डेट गर्न थालेपछि सलमान उनीसँग रिसाएका हुन् । अभिनेता विवेक ओबेराय र सलमान बीच अभिनेत्री ऐश्वर्या राय बच्चनका कारण झगडा भएको थियो । यही झगडाकै कारण विवेकले बलिउडमा फिल्म पाउनै सकेनन् ।
