मुम्बई(एजेन्सी) । बलिउड अभिनेता सलमान खान उनको फिल्म ‘राधेः योर मस्ट वान्टेड भाई’लाई लिएर हालका दिनमा निकै चर्चामा छन् । तर फिल्मभन्दा बढी चर्चा अहिले फिल्मको ट्रेलरमा देखिएको सलमान र अभिनेत्री दिशा पाटनीको चुम्बन छ ।
सलमान फिल्ममा चुम्बन नगर्ने अभिनेताका रुपमा चिनिन्छन् । यस्तो अवस्थामा सलमानले चुम्बन गरेको दृश्य सार्वजनिक भए पछि के सलमानले ‘नो किस पोलिसी’ तोडेका हुन् त भन्ने प्रश्न सोध्न थालेका छन् ।
हालै केही सीमित पत्रकारसँग फिल्मबारे गरिएको अन्तरक्रियामा उनीमाथि पत्रकारले प्रश्न गरेका थिए । जवाफमा सलमानले आफूले दिशालाई किस नगरी टेपमाथि किस गरेको खुलाएका थिए ।
‘अर्को पटक सायद म र मेरो नायिकाबीच एक मोटो पर्दा हुनेछ । तर म पर्दामा मेरो नो किस पोलिसी तोड्नेवाला छैन’, उनले भनेका छन् । सलमानले फिल्म ‘मैने प्यार किया’को समयमा आफूले सिसामा लिप्सिटिकको मार्कलाई किस गरेको खुलासा गरेका छन् ।
