काठमाडौ । नेपालको चर्चित रियालिटि शो द भ्वाइस अफ नेपाल सिजन ३ को नकआउटबाट बाहिरिएकी गायिका सुदिता राईको पहिलो अफिसियल गीत ‘मिठा मिठा’ रिलिज भएको छ ।
गीतमा गायिका सुदिताकै शब्द तथा संगीत रहेको छ । विशाल चौतारी टिभीको युट्युब च्यानलबाट सार्वजनिक गीतमा गायक तथा संगीतकार देवेश राईको एरेञ्ज छ ।
विछोडको पीडालाई रमाइलो शैलीमा प्रस्तुत गरिएको गीतको भिडियोमा गायिका सुदिता फिचर्ड छिन् । भिडियोलाई विशाल राईले निर्देशन गरेका हुन् भने छायांकन र सम्पादन पनि विशालकै रहेको छ ।
गायिका सुदिता पछिल्लो समय भ्वाइसपछि गीत रेकर्डिङमा व्यस्त छिन् । उनले गायक राजेशपायल राईसँग पनि गीत गाएकी छन् ।
