काठमाडौं । नवोदित गायक गणेश थापाको स्वरमा नयाँ गीत ‘आयो तिम्रो राजा’को भिडियो सोमबार रिलिज भएको छ । यो गीतको भिडियोलाई बुढासुब्बा डिजिटलबाट रिलिज गरिएको हो ।
रोमान्टिक शैलीको यो आधुनिक गीत नृत्य प्रधान रहेको छ । गीतमा सुवर्णकुमार श्रेष्ठको संगीत र संगीत संयोजन छ । गीतमा सुदन लुईंटेलको लेखन छ । भिडियोमा अभिनेता यशराज गराच र गायिका तथा मोडल सरिता भारती फिचर्ड छन् । भिडियोमा अर्की मोडल मञ्जुला गिरीको अभिनय छ ।
सुवास बुढाथोकीको कोरियोग्राफी तथा निर्देशन रहेको भिडियोमा सुरेशकुमार राउतको सम्पादन, टंक केसीको छायाँकन, बिना रानामगर र शोभा श्रेष्ठको श्रृंगार रहेको छ । गीत र भिडियोको निर्माता सवनम थापा र नेहा थापा हुन् ।
