काठमाडौं– करिब पाँच महिनाअघि ‘निलो कुर्ताले’ बोलको गीत सार्वजनिक गरेका गायक लोक पौडेल र गायिका मेलिना राई फेरि एकसाथ नयाँ म्युजिक भिडियो ‘बेरुवाको औंठी’ लिएर आएका छन् ।
गीतमा संगीतकार दीपक शर्माको शब्द र संगीत रहेको छ। नरेन्द्र वियोगीले गीतलाई संगीत संयोजन गरेका हुन् । भिडियोमा गायक प्रकाश सपुत र अभिनेत्री आँचल शर्मा फिचर्ड छन् ।
अनिल के मानन्धरको छायांकन रहेको भिडियोमा रुजु शर्मा र अनिल आचार्यको समेत अभिनय छ ।
भिडियोमा पुजा दर्नाल र उज्ज्वल गज्मेलको कोरियोग्राफी, विष्णु खड्काको सम्पादन, राज खड्काको निर्देशन छ । मिरा मोशन पिक्चर्सको आधिकारिक च्यानलमार्फत भिडियो सार्वजनिक भएको हो ।
