काठमाडौं । अभिनेत्री रिस्ता बस्नेतको अभिनय रहेको फिल्म ‘पासो’को फस्टलुक सार्वजनिक भएको छ । सार्वजनिक लुकमा रिस्ता फिचर्ड छन् । उनलाई रिसाहा रुपमा देखाइएको छ ।
फिल्म चैत्र १८ अर्थात अप्रिंल १ तारिखबाट देशभर रिलिज हुने वितरक करण श्रेष्ठ ‘क्रेजी’ले जानकारी दिएका छन् ।
सरु र प्रमिला नाम गरेका दुई जना साथी एक अपराधिक गिरोहद्धारा कुनै उच्च पदस्थ व्यक्तिको शारीरिक तृष्णा मेटाउनका लागि अपहरणमा परेको कथामा यो फिल्म निर्माण भएको छ । यी दुईले आफूलाई खतरनाक परिस्थितीबाट जीवीत राख्न गरेको संघर्षको कथामा यो चलचित्र निर्माण भएको निर्देशक आर.बी पुनले जानकारी दिए ।
फिल्ममा पुनको नै कथा, पटकथा तथा संवाद छ । फिल्मलाई भगवान भुजेलले निर्माण गरेका हुन् । वसन्त घिमिरे, अनु मुस्कान, अनुराग ढुंगाना, सरस्वती गुरुङ फिल्मका सह–निर्माता हुन् ।
फिल्म सुनिसा बजगाँई, रामकुमार बस्ताकोटी, प्रतिक दुलाल, प्रणव आकाशको मुख्य भूमिका छ । फिल्ममा सूर्य दयालुको संगीत, उत्तम हुमागाँइको छायांकन, भूपेन्द्र अधिकारीको सम्पादन छ । फिल्म जीजीए गु्रप र एफडी कम्पनीले वितरण गर्दैछन् ।
