काठमाडौं । युएइमा बस्दै आएका मोडल निशान थापा म्यूजिक भिडियो मोडलिङमा सक्रिय रहदै आएका छन् । नेपाल आएको समयमा होस् या यूएईमै उनी बेला बेला म्यूजिक भिडियोमा देखा परिरहेका हुन्छन् ।
कलाक्षेत्रमा सानै देखि रुचि भएका थापाको नयाँ म्यूजिक भिडियो ‘मेरो हजुर’ सार्वजनिक भएको छ । गीतकार प्रमिला बस्नेतको शव्द, गायिका रचना रिमालको स्वर रहेको गीतमा विकास चौधरीको संगीत छ ।
दयाराम घिमिरेको निर्देशन रहेको यो म्यूजिक भिडियो युएईदेखि नेपालसम्मको छायांकन गरिएको छ । गीतमा थापालाई निशा पाख्रिन तामाङ र बालकलाकार हार्दिकता घिमिरेले साथ दिएका छन् ।
बालबच्चा, बृद्ध आमाबुवा र श्रीमतीलाई छोडी परदेशिएका युवाको कथालाई गीतमा प्रस्तुत गरिएको छ ।
