काठमाडौं । कृषा चौलागाईको डेव्यु निर्देशकिय फिल्म ‘ऐँचो पैँचो’को टिजर सार्वजनिक भएको छ । आगामी भाद्र १४ गतेबाट प्रदर्शनको तयारीमा रहेको फिल्मको शुक्रबार इन्टरनेटमा टिजर रिलिज गरिएको हो ।
टिजरमा कमेडीसँगै राजनीतिक परिदृश्य देखाइएको छ । टिजरमा कोशिस क्षेत्री राजनीतिक नेताको चरित्रमा निकै सुहाउँदिला देखिएका छन् ।
केपी फिल्मसको ब्यानरमा निर्माण भएको फिल्ममा स्वस्तिमा खड्का, मुकुन भुषाल, बर्षा राउत, सुशिल सिटौला, कोशिस क्षेत्री, रमेश बुढाथोकी, राजाराम पौडेल, बुद्धि तामाङ, रविन्द्र झा, सरिता गिरी, विशाल पहारी लगायतका कलाकारको अभिनय रहेको छ ।
प्रितम लामिछाने र आध्या लामिछाने निर्माता रहेको सिनेमामा अभिमन्यु निरवीको कथा, पुरुषोत्तम प्रधानको छायांकन, कविराज गहतराजको कोरियोग्राफी, शुजिल कर्माचार्यको पाश्र्व संगीत, रेनिश फागोकको कलर, सत्यम राणको भिएफएक्स, मुकेश शाहको साउण्ड डिजाइन, भोला सुवेदी (प्रनव) प्रोडक्सन कन्ट्रोलर, विनय राज पौडेलको मुख्य सहायक निर्देशक र विपिन मल्ल र भुपेन्द्र अधिकारीको सम्पादन छ ।
