काठमाडौं । मिलाप दोस्रो तीज उत्सवमा गायिका ज्ञानु राणालाई दीर्घ साधना सम्मान अर्पण गरिएको छ । प्रतिनिधिसभा उप सभामुख इन्दिरा रानाको प्रमुख आतिथ्यतामा शनिबार काठमाडौंमा भएको कार्यक्रममा गायिका राणालाई नगदसहित दीर्घ साधना सम्मान अर्पण गरिएको हो ।
‘भाषा, साहित्य, कला संस्कृति र मौलिकताको संरक्षण तथा सम्र्वद्धन गरौं’ भन्ने मूल नाराका साथ मिलाप मासिककी कार्यकारी सम्पादक तथा मिलाप फाउण्डेशनकी अध्यक्ष गीता अधिकारीको सभापतित्वमा सम्पन्न भएको समारोहको सहयोगी संस्थामा हिमालयन बैंक, माछापुच्छ्रे बैंक, ग्लोबल आइएमई बैंक, रिलायबल लाइफ इन्सुरेन्स र सिग्नेचर रहेका थिए । यस्तै साझा कुरियर एण्ड कार्गो, म्युजिक एण्ड भ्वाइस रेकर्डिङ स्टुडियो र जिनियस खबर साथ रहेको थियो ।
कला, साहित्य र गीत–सङ्गीत क्षेत्रका प्रवुद्ध महिलाहरूको आथित्यता रहेको समारोहमा अभिनेत्री शर्मिला मल्ल, निर्माता÷निर्देशक एवम् अभिनेत्री दीपाश्री निरौला, गायिका मञ्जु थापा गुरुङ, अभिनेत्री रेजिना उप्रेती, कलाकार गोमा केसी, शिला गजुरेल, गायिका माण्डवी त्रिपाठी, सारिका घिमिरे, मञ्जु लावती, शुष्मा रुपाखेती, निशा रावललाई मिलाप सम्मान अर्पण गरिएको थियो ।
यस्तै समारोहमा फेशन डिजाइनर अनु श्रेष्ठ, व्यवसायी एवं समाजसेवी कल्पना थापा, प्रमिला कार्की, धनराज्यलक्ष्मी शाक्य, पूजा शाह, सावित्रा अधिकारी, व्युटिसियन अनिता देउला, मोडल एवम् समाजसेवी सलीना गुरुङलाई ‘मिलाप तीज सम्मान’ प्रदान गरिएको थियो ।
सञ्चारकर्मी दीप ज्योति थापाले सहजिकरण गरेको कार्यक्रममा कल्पना थापाले स्वागत मन्तव्य राख्दा प्रमुख अतिथिलाई मायाको चिनो प्रदान गरिएको थियो । तीजलाई परम्परागत भन्दा पनि सिर्जनात्मक रुपमा मनाउनुपर्ने जोड दिँदै प्रमुख अतिति उप सभामुख रानाले मिलापले गरेका कार्यको सराहना गरेकी थिइन् ।
विगत १४ वर्षदेखि निरन्तर प्रकाशन हुँदै आएको मिलाप मासिकले नेपाली नारीको महान् पर्व तीजलाई उत्सवका रुपमा मनाउँदै उनीहरूले समाजमा पु¥याएको योगदानको कदर स्वरुप सम्मान गरेको कार्यक्रमकी सभापति अधिकारीले बताइन् ।
गायिका मञ्जु थापा, माण्डवी त्रिपाठी र सारिका घिमिरेले गीत प्रस्तुत गर्दा प्रमुख अतिथि उपसभामुख रानाले पनि आफ्नो मन्तव्यसँगै गीत गाएकी थिइन् ।
