काठमाडौं । गीतकार लोकराज अधिकारीको शब्दमा द भ्वाइस अफ नेपालका प्रथम विजेता सिडी विजय अधिकारीको स्वर र सङ्गीत रहेको ‘जिन्दगानी के छ र’ गीतको भिडियो सार्वजनिक भएको छ ।
बबिता श्रेष्ठ ‘मलेकु’द्वारा निर्देशित गीतको नयाँ म्युजिक भिडियोमा दीपेन्द्र राज गिरी, जुना एसडि र बाल कलाकार एला पुरीको अभिनय रहेको छ ।
प्रियसी म्युजिकको प्रस्तुति रहेको भिडियोमा जन्म र मृत्यु शाश्वत भएपनि देशको अवस्थाका कारण आर्थिक भार र ऋणको बोझका कारण मान्छेमा बढ्दै गएको डिप्रेसनले निम्त्याउदै गरेको समस्यालाई देखाउने प्रयास गरेको छ । जस्तो सुकै समस्या आइपरेपनि घरपरिवार प्रतिको जिम्मेवारी बिर्सन नहुने सन्देश भिडियो मार्फत दिन खोजिएको छ ।
पुष्कर खत्रीको सङ्गीत संयोजन रहेको गीतको भिडियो उत्तम हुमागाईँले खिचेका हुन भने मीन रावलले सम्पादन गरेका हुन् ।
