काठमाडौं । आगामी भदौ २९ गते रिलिज हुने फिल्म ‘साली कस्को भेनाको’को प्रेमभावको गीत ‘माया तिमीलाई’ सार्वजनिक भएको छ । सुरज शाही ठकुरीको शब्द र संगीत रहेको गीतमा आकांक्षा बस्याल र सुरजकै स्वर छ । भिडियोमा देव सागर र मरिष्का पोखरेलले फिचरिङ गरेका छन् ।
गीतमा गम्भीर विष्टको कोरियोग्राफी छ । पुराना फिल्म निर्माता प्रसाद श्रेष्ठ प्रस्तुतकर्ता रहेको फिल्ममा भद्र भुजेलको निर्देशन छ । मुभिङ पिक्र्चसको ब्यानरमा निर्मित फिल्ममा रामप्रसाद श्रेष्ठ,सुशिल गोपाल न्याछ्यो, कमला भट्टराई, मुक्ति अधिकारी र काजीमान श्रेष्ठ निर्माता छन् ।
फिल्ममा मरिस्का पोख्रेल, बुद्धि तामाङ, रबि गिरि, विल्सनबिक्रम राई,रजनी गुरुङ्ग,सुष्मा कार्की,जयनन्द लामा,कबिता आले,प्रिया रिजाल लगायतको अभिनय छ । दिर्घ गुरुङ्गको छायांकन रहेको फिल्ममा बनिश शाहको सम्पादन,बसन्त श्रेष्ठ,गम्भिर विष्ठ,सुमित लामाको कोरीयोग्राफी,रबि प्रकासको द्धन्द,पुष्प आचार्यको कथा र प्रसाद श्रेष्ठ,सुरज शाही ठकुरी,मिन घलानको संगीत रहेको छ ।
