काठमाडौं । तेत्तिस किलो सून प्रकरणले तातिएको नेपाली राजनीति पछिल्लो पटक डा. गोविन्द केसीको अनसनले केही हदसम्म सेलाएको छ । गोविन्दकै चर्चाले स्थान पाएपछि सेलाएको सुन राजनीति अहिले पुनः तातिन थालेको छ । यही माहौलमा गायिका सहिमा श्रेष्ठले पनि सुनकै चर्चा गर्दै तीजलाई लक्षित गरेर ‘पहिलो नम्बरी सुन’ बोलको गीतको भिडियो दर्शकमाझ ल्याएकी छन् ।
पत्रकार एवं गीतकार शान्तिप्रियको शब्द रहेको गीतमा संगीतकार सन्तोष श्रेष्ठको संगीत, एरेञ्ज कृष्ण पुनको एरेन्ज छ । कोरियोग्राफर तथा निर्देशक पवित्रा आचार्यको निर्देशन रहेको गीतमा शिव ढकालको छायांकन तथा विष्णु शर्माको सम्पादन छ ।
भिडियोमा सहिमा र खुस्बु खड्काले फिचरिङ गरेका छन् । तिजको माहौललाई लक्षित गर्दै बनाइएको गीत हेर्दा निकै आकर्षक छ । साडीमा गायिका तथा मोडलहरु निकै सुन्दर देखिएका छन् । गीत वीणा म्यूजिकले बजारमा ल्याएको हो ।
