काठमाडौं । आगामी असोज ५ गते रिलिज हुने फिल्म ‘इन्टु मिन्टु लण्डनमा’को नयाँ पोष्टर सार्वजनिक भएको छ । सार्वजनिक फिल्मका दुई पोष्टरमा एउटा पोष्टरमा फिल्मका प्रमुख कलाकार साम्राज्ञी राज्यलक्ष्मी शाह र धिरज मगरको प्रेमलाई देखाइएको छ भने अर्को पोष्टरमा साम्राज्ञीलाई धिरजले प्रेम प्रस्ताव राखेको भाव देख्न सकिन्छ । यो पोष्टरमा धिरज र साम्राज्ञीका पछाडि फिल्मका अन्य कलाकार देख्न सकिन्छ ।
कोरियोग्राफर रेनेशा वान्तवा राई निर्देशित फिल्ममा साम्राज्ञी र धिरजसँगै सारुक ताम्राकार, अर्जुन श्रेष्ठ, दिलभुषण पाठक, विजय लामा र रुवी राणाको पनि अभिनय छ । फिल्ममा प्रज्जवल समशेर जबरा र प्रभु समशेर जबराको लगानी छ ।
फिल्ममा साम्राज्ञी मिरा अर्थात मिन्टु र धिरज इशान अर्थात इन्टुको भूमिकामा छन् । आई कोर फिल्मस्को व्यानरमा निर्मित फिल्मका सह–निर्माताहरुमा सुलेखा राई, बसन्त तामाङ र सुष्मिता जिरेल छन् ।
