काठमाडौं । गाउँघरमा चल्दै आएको साली भेनाबीचको सम्बन्धलाई चित्रण गरिएको फिल्म ‘साली कस्को भेनाको’ शुक्रबारबाट प्रदर्शनमा आउँदैछ । अघिल्लो साता दुई फिल्म ‘रामकहानी’ र ‘रोज’ प्रदर्शन भइरहँदा यो साता फिल्म ‘साली कस्को भेनाको’ सोलो रिलिज हुँदैछ ।
मुभीङ पिक्चर्स प्रालिको व्यानरमा निर्मित फिल्ममा भद्र भुजेलको निर्देशन र प्रसाद श्रेष्ठको प्रस्तुति छ । फिल्ममा विल्सनविक्रम राई, बुद्धि तामाङ, रजनी गुरुङ, मरिश्का पोखरेल, सुष्मा कार्की, जयनन्द लामा, कविता आले, रबि गिरी, वीरेन श्रेष्ठ, प्रिया रिजाल, पुष्प आचार्य, देव सागर र बलबहादुर गुरुङको अभिनय छ ।
रामप्रसाद श्रेष्ठ, सुशील गोपाल न्याछ्यो, काजीमान श्रेष्ठ, कमला भट्टराई, मुक्ति अधिकारी निर्माता रहेको फिल्ममा पुष्प आचार्यको लेखन, प्रसाद श्रेष्ठ, सुरज शाही ठकुरी र मिन घलानको संगीत, दीर्घ गुरुङको छायांकन, बसन्त श्रेष्ठ, गम्भीर विष्ट र सुमित लामाको नृत्य, वनिष शाहको सम्पादन छ ।
