काठमाडौं । नायिका आँचल शर्मा अभिनित ‘रेलिमाइ’ बोलको म्युजिक भिडियो सार्वजनिक भएको छ । भारतको चर्चित रियालिटी शो डिआइडीबाट चर्चा कमाएका सुजन मार्फा तामाङ(एलिड २० क्रिउ) र भिमफेदी गाईजलाई पहिलोपटक एउटै म्युजिक भिडियोमा देखाइएको छ ।
भिडियोमा दुई ग्रुपसँग नायिका आँचल शर्माले अनस्क्रिन रोमान्स गरेकी छिन् । दिपक आचार्यको शब्द तथा मिष्टर आरजेको संगीत रहेको गीतमा महेश भडारी र मिष्टर आरजेको स्वर छ ।
गीतलाई एसदिप मुभिजले बजारमा ल्याएको हो । रबिन्द्र बरालको छांयाकन रहेको उक्त भिडियोलाई निशान घिमिरेले सम्पादन गरेका हुन् । मधु आचार्यको व्यवस्थापन रहेको उक्त भिडियोलाई कलाकार तथा स्क्रिप्ट राइटर दिपक आचार्यले निर्देशन गरेका छन्। दिपकले यसअघि पनि दर्जनौं चर्चित गीतको भिडियो निर्देशन गरिसकेका छन् ।
