काठमाडौं । गीतकार तथा सञ्चारकर्मी रवि अधिकारीले आफ्नो जन्मदिनको मौका पार्दै गीत ‘आँशुको अर्थ’को सिक्वेल ‘आँशुको अर्थ–२’को लिरिकल भिडियो सार्वजनिक गरेका छन् । गायक शिव परियारको स्वरमा रहेको ‘आँशुको अर्थ’ गत वर्ष हिट भएपछि गीतकार रविले लेखेका ‘आँशु दिइन जाने’ बोलको गीतको लिरिकल भिडियो सार्वजनिक गरेका हुन् । चितवनको भरतपुरमा एक कार्यक्रमका बीच ऋद्धिचरण श्रेष्ठले भिडियो सार्वजनिक गरे ।
कार्यक्रममा गीतकार अधिकारीले ‘आँशुको अर्थ १’ को सफलतापछि राम्रो गीत लेख्ने प्रेरणा मिलेको बताए । गीतकार अधिकारीका अनुसार दशैं लगतै निकेश खड्काको निर्देशनमा ‘आँशुको अर्थ’का मुख्य कलाकार नायिका स्वस्तिमा खड्का र नायक आकाश श्रेष्ठलाई फिचरिङ गरेर गीतको म्युजिक भिडियो निर्माण गरिने बताए । ‘आँशुको अर्थ २’ को ‘आँशु दिइ जाने’मा दिपक शर्माको संगीत र रिदम कँडेलको एरेन्ज छ ।
