काठमाडौं । कोहीसँगको प्रेम टुट्दा त्यसको पीडा भोग्नेलाई मात्र थाहा हुन्छ । गायिका तथा नायिका सारिका घिमिरे अहिले यस्तै पीडामा छिन् । यही पीडा पोख्नका लागि उनले ‘दिल टुटेको कसरी भनु’ भन्दै गीत लिएर आएकी छन् । यो गीतको सार्वजनिक भिडियोमा सारिकाले नै फिचरिङ गरेकी छन् ।
गीतमा सारिकाकै शब्द, स्वर र संगीत छ । वीरेन्द्र भाट ‘विपिन’को निर्देशन रहेको गीतको भिडियोमा सुशिल डाँगीको छायांकन र वीरेन्द्रकै सम्पादन छ । गतवर्ष ‘मोहनी’ एल्बम स्रोता र दर्शकमाझ ल्याएकी सारिका म्युजिक भिडियोको मोडल पनि हुन् ।
उनीसँग आधा दर्जन फिल्ममा प्रमुख नायिकाको भूमिकामा अभिनय गरेको अनुभव पनि छ । ‘गायनमा मेरो पहिलो प्राथमिकता यो त्यो भन्ने छैन सबै प्रकारका गीत गाएकी छु र गाउँन सक्छु ।’ आफ्नो गायनबारे सारिका भन्छिन् ।
