काठमाडौं । फिल्म ‘चङ्गाचेट’को गीत ‘गोजीमा दाम छैन’ले युट्युबमा एक करोड बढी दर्शक पाएपछि फिल्म युनिटले मंगलबार राजधानीमा एक कार्यक्रम गरी केक काटेर खुशियाली मनाएको छ । आगामी शुक्रबारबाट रिलिज हुने फिल्मका निर्माता माधव वाग्लेले गीतका गायक तथा संगीतकार राजनराज शिवाकोटीलाई ५० हजार रुपैंयाँ पुरस्कार पनि दिए ।
गीतको सेलिब्रेसन केक निर्माता माधव वाग्ले, शर्मिला पाण्डे, निर्देशक दीपेन्द्र के खनाल, नायिकाद्वय परमिता राज्यलक्ष्मी राणा, गीतकार हरिहर तिमल्सिनाले काटेका थिए । निर्माता वाग्लेले आफूले गीतले एक करोड दर्शक पाएमा पुरस्कार दिने पूर्व घोषणा अनुरुप संगीतकारलाई पुरस्कार दिइएको बताए ।
कार्यक्रममा संगीतकार शिवाकोटीले उक्त रकमबाट ५ प्रतिशत गीतकार तिमल्सिनालाई दिने घोषणा गरे । निर्देशक दीपेन्द्र के. खनालले फिल्मले दाम हुने र नहुने युवाको बोल्ने बताए ।
फिल्ममा आयुष्मान देशराज जोशी, प्रियंका कार्की, रबिन्द्र झालगायतका कलाकारहरुको पनि अभिनय छ । फिल्ममा माधव वाग्लेलाई शर्मिला पाण्डेले लगानीमा सहयोग गरेकी छन् । निश्चल बस्नेत, अर्पण थापा, बेनिशा हमाल र ऋचा शर्माको विशेष भूमिका रहेको फिल्मको कथा प्रदीप भारद्वाजले लेखेका हुन् ।
