मुम्बई(एजेन्सी) । आगामी वर्ष बलिउडमा अर्को एक स्टारका सन्तान डेब्यु गर्दैछन् । बलिउडका ख्याती प्राप्त अभिनेता डेनी डेनजोङ्गपाका छोरा रिनजिङ बलिउडमा डेब्यु गर्नका लागि तयारी अवस्थामा छन् । उनी एक एक्सन–थ्रिलर फिल्म ‘स्क्वाड’बाट बलिउडमा पाइला चाल्न लागेका हुन् । फिल्मको सुटिङ आगामी वर्ष अर्थात् सन् २०१९ को अप्रिलबाट शुरु हुनेछ ।
‘मलाई खुशी लागेको छ कि रिनजिङ अन्ततः डेब्यु गर्न जाँदैछ । यो मेरो परिवार र मेरा लागि गर्वको क्षण हो । अहिले रिनजिङलाई निकै मेहनत गर्नुपर्नेछ,’उनले भने,‘एक्सन थ्रिलर फिल्मबाट डेब्यु गर्न लागेकाले पनि उसका लागि चुनौतिपूर्ण छ ।’
फिल्मका लागि हालसम्म निर्देशक र नायिका फाइनल भइसकेको छैन । ‘जब मैले फिल्मको स्क्रिप्ट पढें । तब मलाई फिल्ममा आउनका लागि यो एउटा उत्कृष्ट प्लेटफर्म बन्छ जस्तो लाग्यो । अहिले म यो फिल्मका लागि दैनिक २ घण्टाको दुई पटक तालिम लिइरहेको छु । ’
