काठमाडौं । फिल्म गरुड पुराणले फिल्म प्रदर्शन मिति तय गर्दै फस्ट लुक्सको रुपमा आईतबार पोष्टर रिलिज गरिएको छ । निर्देशक सुवास कोईरालाले आगामी ४ माघमा यो फिल्मको रिलिज मिति तय गरेका छन् ।
गरुड पुराणलाई मोफसल बितरक एफडी कम्पनी र काठमाडौं वितरक कम्पनी स्टेशन फाईबले ४ माघलाई प्रदर्शन मिति तय गरेको हो । आईतबार रिलिज गरिएको पोष्टरमा अभिनेता नाजिर हुसेनलाई व्यान्ड मास्टरको रुपमा प्रस्तुत गरिएको छ । अभिनेताहरु कर्मा शाक्य, प्रविण खतिवडा, कामेश्वर चौरसिया, र अभिनेत्री प्रियँका सिंह ठकुरी पोष्टरमा समेटिएका छन् ।
अजित प्रजापति र अशोक गौतमले निर्माण गरेको यो फिल्ममा लुमिना तुलाधर, बसन्ध भट्ट, प्रकाश घिमिरे, कमल देवकोटा, सरोज श्रेष्ठ पनि मुख्य भूमिकामा छन् । पारिवारिक प्रेमकथामा आधारित आफ्नो सिनेमा हास्य प्रधान जनरामा तयार भएको निर्देशक कोईरालाले बताए । आकाश बराल, बिनोल खतिवडा र सुवास आफैंले लेखेको यो फिल्मको कथा कशम नेपालको हो ।
रेनेशा बान्तवा राईको कोरियोग्राफी रहेको यो फिल्ममा कोसिस क्षेत्रको संगीत, कोशिस र मनिषा पोखरेलको गायन, सुसन प्रजापतिको छायाँकन, उज्ज्वल ढकालको सम्पादन रहेको छ ।
